«حصرى فى مصر» ببرنامج كلام معلمين
قدم الإذاعى أحمد يونس مقدم برنامج "كلام معلمين" على الراديو 9090، فقرة بعنوان " حصرى فى مصر"، تضمنت عدد من المواقف والعادات الغريبة أهمها " الكرسى الأمامى محجوز للبنات فقط فى وسائل المواصلات، وسائل الخداع فى التسول".
وقال يونس، بعض المتسولين يتفننون فى كيفية استعطاف المواطنين للتسول منهم، وأهم الحيل "التمثيل أنه لديه مشكلة فى أرجله، أو أنه فقد نقوده ويحاول استكمال ثمن الأجرة منذ شهر ولم يستكملها بعد، أو أنه لايستطيع الكلام أو من ذوى الاحتياجات الخاصة".
وحث أحمد يونس، مستمعيه على المشاركة فى الفقرة بأغرب شيئ يتردد بين المصريين "حصريا فى مصر"، وجاءت أهم مشاركات المستمعين حول " يارب اللى ما يدوس لأيك يتعمى أو أيده تتقطع، أضغط لايك وشوف ماذا يحدث للصورة، عندما تركب تاكسى وتقوله بسرعة يا أسطى بس على مهلك، الستات بيروحو الأفراح علشان يشمتوا فى بعض، والرجال يذهبون للأفراح علشان يتفرجوا على رقص البنات".
حصريا فى مصر كل بيت بيتسمع فيه أحمد يونس بيتسمع فيه كمية دعاوى و شتايم هايلة - حصريا فى مصر لما تيجى تهش دبانة واقفة على التلفزيون نقلب القناة- حصريا فى مصر رسالة إنزل بسرعة البلد لقينا آثار- حصريا فى مصر الستات بتروح الأفراح عشان يحقدوا على بعض - حصريا الشخص الفهلوى فى مصر- حصريا فى مصر غشوا يا ولاد من غير صوت- حصريا فى مصر يتقالك اللى تدفعوا يا باشا و لما تدفع يقولك اية دة يا باشا- حصريا فى مصر تنادى لمراتك باسم أبوها أو باسمك فى الشارع - حصريا فى مصر البوفيه المفتوح فى مصر تحس الواحد شايل هرم من الأهرامات- حصريا فى مصر الولاد بيلبسوا لبس البنات- حصريا فى مصر بتشتغل بعد التخرج على طول - حصريا فى مصر استنانى خمس دقائق و فجأة تقلب خمس ساعات ".
