الطاهرى لـيوسف الحسينى: «الرئيس ميستهلش مننا كده»

تحدث الإعلامى أحمد الطاهرى خلال فقرة "عالم تانى" ببرنامجه "المانيفستو" على الراديو 9090، عن مشهد سير سيارة الرئيس عبد الفتاح السيسى، خلال افتتاح مشروعات تنموية بمدينة 6 أكتوبر.

وأضاف الطاهرى أن الرئيس السيسى افتتح فى ذلك اليوم 34 مشروعًا ضمن خطة تنمية شاملة، قائلًا: "سبنا كل ده ومسكنا فى السجادة".

كما أكد أن موضوع السجادة تحول لمسار "تريقة" من قبل بعض الإعلاميين.

وأوضح أن الإعلامى يوسف الحسينى زميل وصديق عزيز، قائلًا: "لا ألوم عليه ما قاله فى برنامجه، لأنه حر فى ما يقوله".

وأوضح أنه ليس من اللياقة أن يسخر من مشهد السجادة، ويتفاعل مع هاشتاج "ضع سجادة فى اسم فيلم"، قائلًا: "بليه وسجادته العالية".

وأضاف الطاهرى: "السيسى ميستهلش مننا كده.. والأسلوب ده عيب"، موضحًا أن الناشط السياسى حازم عبدالعظيم دخل مع الحسينى فى موجة السخرية.

عرض الطاهرى، بعد ذلك، تسجل صوتى للرئيس السيسى يوحه من خلال رسائل قوية جدًا فى شرق بورسعيد.

وقال السيسى، خلال التسجيل: "إحنا بنتكلم على سنتين.. أنا أتحدى أي حد أن يقدر يعمل اللى بنعمله ده فى 10 سنين وأنا عارف انا بقول إيه كويس"، مضيفا: "كان ممكن أقول للشباب هديكم 2-3 مليار جنيه عشان كل شاب يعمل مشروع صغير بـ10-20 ألف ونقوله إحنا ساعدناك.. ولكن كده نبقى غسلنا أدينا من الشباب لكننا اخترنا الطريق الصعب".

وأكد: "بناء البلاد جهد وعرق وإخلاص وأمانة وعمل وشرف.. مش حاجة تانية".

وأضاف السيسي بانفعال: "محدش هيقدر يمنعنا نبنى ونعمر بلادنا، رغم كل المشاكل التى نمر بها، فيه مشروعات مش بنعلن عنها عشان الشر وأهله".

وأردف: "انتبهوا يا مصريين.. اللي أنا بعمله ده تحدي التحدي.. هتحدى الإرهاب الذي يحاول عرقلة المصريين.. لا هم بيعرفوا يبنوا.. ومش عايزين حد تانى يبنى.. هما بيعرفوا يهدوا بس.. وده تحدى وإحنا هنبنى".

واستطرد: "فيه تحدى ثالث هو التحدي الاقتصادي.. لازم تخلوا بالكم للى متخطط ليكوا، وبيتعمل ليكوا.. وتنتبهوا كويس لبلدكم.. اتفقنا إن إحنا كلنا ناخد بالنا من مصر مش أنا بس.. لا أستطيع لوحدى أعمل كده.. إحنا اتفقنا".