El Radio 9090 FM
#
فيديو| مستمعة «9090» التى أبكت نشطاء «التواصل الاجتماعى»

فيديو| مستمعة «9090» التى أبكت نشطاء «التواصل الاجتماعى»

نالت المكالمة الهاتفية التى استقبلتها الإعلامية إيمان مختار، مقدمة برنامج "عالصبحية" على الراديو 9090، من مدام هدى، ردود أفعال واسعة، بين نشطاء مواقع التواصل الاجتماعى، مستنكرين تجاهل أولادها لها. 

وقالت هدى خلال المداخلة، "أنا عندى مشكلة فى العصب البصرى، الفلوس معملتليش حاجة.. ومردتليش صحتى، الفلوس موجودة أنا هعمل بيها إيه؟، أنا عندى بنت وولد، بس مفيش حد فاضى، كل واحد فى حياته مع مراته وولاده، الدنيا نستهم الست اللى ضحت بحياتها عشانهم". 

وأضافت إيمان لها: "إنتِ الزوج متوفى من 20 سنة ومتجوزتيش وربيتى الأولاد"، وعقبت هدى، ضاحكة: "أنا غلطانة على فكرة أنا بندم، أنا دلوقتى عايشة لوحدى". 

ووجهت هدى رسالة إلى المستمعين: "اتقوا الله فى أهاليكم، بالذات فى المرض، محدش عارف بكرة فى إيه.. ربنا يديهم الصحة ويغنيهم، لكن الدنيا مش فلوس، الفلوس معملتليش حاجة ولا رجعتلى بصرى ولا صحتى، فين السؤال؟". 

وتابعت: "ميصحش الدنيا تاخد الولاد والشباب، معرفش ليه اتغيروا احنا مكناش كده مع أهالينا خالص، مش عارفة فى إيه، إيه القلوب الجاحدة دى؟".