El Radio 9090 FM
#
عودة الجماهير للمدرجات بـ«التكنولوجيا»!

عودة الجماهير للمدرجات بـ«التكنولوجيا»!

وأكد عبد العزيز، للإعلامى إبراهيم فايق، ببرنامجه "ملعب 9090"، على الراديو 9090: "كان فيه اجتماع مشترك مع مسؤولى اتحاد الكرة ووزارة الداخلية، وده بسبب المظهر الحضارى للجماهير المصرية فى مباراة المنتخب مع نيجيريا، عشان كده فكرنا فى عودتهم للمدرجات".

وأضاف وزير الرياضة: "وكمان عندنا مباريات إفريقية سواء للأهلى أو الزمالك فى دورى أبطال إفريقيا أو الكونفيدرالية، 40 ألف متفرج كانوا فى برج العرب، وكان دخولهم وخروجهم سهل جدا، ومكنش فيه حاجة مسيئة فى المباراة".

وتابع: "كان فيه اقتراح، وإحنا بنتكلم على المباريات الإفريقية بس مش مباريات الدورى، هيكون فيه موقع إلكترونى للى عاوز يتفرج على الماتش، بعدين هنحصر الأعداد، ونشوف كل مباراة هيحضر كام شخص، وهتكون نسبة العودة تدريجية لغاية ما نوصل للحضور الكامل، وهيكون فيها بعض الأمور التنظيمية للحفاظ على الأمن".

وواصل وزير الشباب: "الموقع هيقدم كل المعلومات اللى عاوز يعرفها الشخص اللى عاوز يحجز ويحضر المباراة، سواء ثمن التذكرة وموعد حضوره وكذلك موعد فتح الاستاد وغلقه قبل بدء المباراة".

وأوضح: "عندنا تجارب كتيرة قدامنا، لكن إحنا هنقوم بالأمر بشكل تدريجيى، عشان نتلاشى السلبيات، ولو وصلنا لنسبة نجاح كبيرة، أكيد هنطبق التكنولوجيا الحديثة فى عودة الجماهير للمدرجات، لكن ده مش هيحصل من غير مساعدة جميع الأطراف".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة