حكاية «الحمل الوديع» مع الإيقاف!

وقال يحيى، للإعلامى إبراهيم فايق، ببرنامجه "ملعب 9090"، على الراديو 9090: "الموسم قرب ينتهى ومش عاوزين نعمل مشاكل من لا شىء، أحمد عبد الملك شخصية جميلة جدا خارج الملعب، لكن فى الملعب بيكون مختلف خالص، قعدت معاه أكتر من مرة لوحدنا عشان أتكلم معاه".

وتابع: "تم إيقاف اللاعب أكثر من مرة، وبياخد إنذارات بالجملة، والله بره الملعب حمل وديع وجوه الملعب حاجة تانية خالص، فاضطريت إلى إيقافه لأنه مش بيلعب أكتر من إيقافه".

وأضاف: "كان لا بد اتخاذ موقف، لكن محرمتهمش من التدريبات، وهما انتظموا أول 10 أيام فى التدريبات، وعرفة السيد جه اعتذار قدام اللاعبين وفى وسائل الإعلام، وبعدها عبد الملك جه اعتذر ليا فى غرفة تغيير الملابس، أنا معنديش مشكلة خالص مع أى حد، لكن الموضوع فيه ضبط وربط، وموضوع بقاء اللاعب من عدمه متعلق بإدارة النادى، وعن رأيى فأنا محتاج أحمد عيد عبد الملك، لكن بردة بشكل فنى وبدنى وأخلاقى كويس".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة.