El Radio 9090 FM
#
الشامى: المصالح الشخصية تحكم الرياضة فى مصر

الشامى: المصالح الشخصية تحكم الرياضة فى مصر

وقال الشامى، للإعلامى إبراهيم فايق، ببرنامجه "ملعب 9090"، على الراديو 9090: "لما تيجى الانتخابات بتقع الأقنعة عن كل شخص متصنع، وده بغض النظر عن مصلحة البلد، الفترة اللى فاتت شوفت الأقنعة بتقع عن كل الناس اللى بتتكلم عن المبادئ واللائحة والقانون".

 

وأضاف عضو الجبلاية: "قانون الرياضة مش هوه اللى عامل مشكلة لتطبيق دورى الاحتراف والاستثمار فى الرياضة، لكن المصالح الشخصية هى السبب، لائحة عاوزين ننقاشها عشان مصلحة الرياضة ومش عارفين المصالح الشخصية".

 

وتابع: "الجمعية العمومية مش عاوزة تكتمل عشان المصالح الشخصية بس، ولم يكتمل النصاب القانونى بسبب الضغط من بعض الأعضاء على الجمعية العمومية، استنوا الأول مجلس الجبلاية يتحل ومستنين الاستشكال دلوقتى، طيب إحنا هناقش لائحة فيها مصلحة للكرة المصرية".

 

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة.