رئيس اللجنة الأولمبية: سمعة مصر أهم من إيهاب عبدالرحمن

وقال حطب، للإعلامى إبراهيم فايق، ببرنامجه "ملعب 9090"، على الراديو 9090: "الخبر خضنا، وعندنا أمل أن تكون نتيجة العينة التانية مختلفة، ممكن تكون العينة اللى اتاخدت تكون غلط، فالأمر صعب لأن اللاعب حلل مرتين ولأول مرة يتم تحليل عينة ثالثة للاعب".

وأضاف: "اللاعب مكنش يعرف أن الهرمون ده غلط وممنوع، والظاهر أنه تعاطى منه بكميات، وللأسف فيه أكثر من لاعب بجانب إيهاب عبدالرحمن مش هيشاركوا فى الأولمبياد، طبعا خسارة كبيرة".

وأوضح رئيس اللجنة: "مصر هى اللى وقفت اللاعب، لأن مصر داخلة اتفاقية منع تعاطى المنشطات، وفقا لمنظمة الصحة العالمية، مش هينفع نغامر بسمعة مصر أبدا، لأننا مفتوحين على الكل، وإحنا داخلين بالنظام ده عشان نحافظ على لاعبينا داخل مصر وخارجها، والحاجة دى مينفعش نخبيها، والمعامل التى يتم التحليل فيها مرتبطة بالاتحاد الدولى وترسل له نتيجة التحليل مباشرة دون الرجوع للاتحاد المصرى".

وتابع: "الوعد بالميدالية صعب جدا، واللى بقوله إننا أعددنا نفسنا بطريقة كويسة جدا، وإحنا قريبين جدا من الميداليات، خصوصا فى 10 ألعاب رياضية فى 10 اتحاد رياضية".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة.