معوض عن تشكيل الأهلى: «بنختار اللى يكسّبنا»

وأوضح معوض، للإعلامى إبراهيم فايق، ببرنامجه "ملعب 9090"، على إذاعة الراديو 9090: "عندنا 29 لاعبا فى الفرقة، بنختار اللى هيكسبنا، وفرص جميع اللاعبين متساوية، والجاهز واللى هيحقق المطلوب هيشارك".

وعن إصابات بعض لاعبى الفريق، قال مدرب الأهلى: "بالنسبة لمؤمن زكريا، الحمد لله بيتدرب مع الفرقة، والإصابة دى حصلته مرة أو اتنين قبل كده، لكن موضوع السفر بره للعلاج لسه بدرى على كده، وإن شاء الله يكون بخير".

وأضاف: "أما إصابة رامى ربيعة، عشان تنظيف الركبة، لسه قدامه أسبوع أو اتنين، غاب شهر وهيغيب كمان شهر، ولكن نتمنى أنه يرجع بشكل سليم".

وتابع: "مروان محسن، عنصر مهم جدا بالفريق، لكن يمكن إصابته دى بتاخد وقت شوية، لأنه ممكن يكون كويس فى وقت، وييجى يخوض التمرين ميقدرش، عشان إصابة الحوض بتأثر على عضلات البطن".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الأربعاء فى تمام العاشرة صباحًا.