حكم الأهلى والمقاصة يعترف: «ممكن أغلط»

وأوضح نور الدين، للإعلامى إبراهيم فايق، فى برنامجه "ملعب 9090"، على إذاعة الراديو 9090: "بشكر مجدى عبدالغنى، عضو مجلس إدارة اتحاد الكرة، أنه سمح ليا أنى أتكلم فى الإعلام، وعشان أدافع عن نفسى".

وتابع: "فى ناس بتغير الحقايق، فى ناس بتهرب من مسؤولياتها فى أنديتهم، عشان الناس متشوفش مصايبهم".

وأضاف: "كل مصر هاجمتنى إمبارح بسبب ضربة الجزاء، ولولا اعتراف لاعب المقاصة بلمس الكرة، كان بقى دلوقتى حالى إيه، طيب محدش شاف الكرة ولا لمسة اليد، طيب زودوا الكاميرات فى المباريات، ورغم الكاميرات الموجودة لكن مفيش كاميرا واحدة جابت لمسة اليد".

وواصل: "فى أى مباراة ممكن أغلط بس مش هكون قاصد خالص".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الأربعاء فى تمام العاشرة صباحًا.