اتحاد الكرة يعترف: توجد مشاكل فى التحكيم.. ويد الجبلاية مغلولة

وقال عبدالفتاح، للإعلامى إبراهيم فايق، فى برنامجه "ملعب 9090"، على إذاعة الراديو 9090: "توجد أخطاء واضحة للتحكيم خلال الفترة الأخيرة، وأنا قعدت مع لجنة الحكام فى حضور المهندس هانى أبو ريدة مرتين، واتكلمنا وشرحنا ليهم كل الأبعاد".

وتابع رئيس لجنة الحكام الأسبق: "فى وقت قبل كده كان الحكام بيتحملوا ضغوطات كبيرة من الأندية، ومكنش حد بيقف معاهم ويدافع عنهم، ودلوقتى الحكام بقى عندهم إحساس بانعدام الثقة".

وواصل عضو لجنة الحكام: "الأداء الفنى للحكام غير مرضى، ولكن طبعا لازم نعذرهم، لأن المشكلة متراكمة، ولجنة الحكام لازم تتحل وتتعالج".

وأضاف: "الحل السريع للأزمة الحالية، أن يتعمل معسكرات للحكام وكمان محاضرات ثقافية وكذلك محاضرات فنية وبدنية على أرض الملعب، وأيضا محاضرات نفسية، ونجيب دكتور نفسانى عشان يأهل الحكام، وده مش عيب، وبيحصل فى جميع أنحاء العالم قبل البطولات الدولية، بالإضافة إلى العمل على ضخ دماء جديدة فى الحكام، وكذلك اختيار الأفضل فيهم من جميع المحافظات، ويتم عمل تقارير فى المقصرين".

واستطرد: "مجلس الإدرة هو صاحب القرار فى تحميل مسؤولية أخطاء الحكام لرضا البلتاجى، رئيس اللجنة، لكن طبعا ده حرام، لأن الأزمة متراكمة، وإبراهيم نور الدين حكم دولى، ومن الحكام الـ6 النخبة اللى مصر بتتباهى بيهم، وأنا شايف أن الفترة المقبلة فى التحكيم محتاجة تعاون من الجميع، نحط أفكار جديدة، وخارج الإطار، عشان نحل الأزمة دى بشكل سريع".

واختتم عضو الجبلاية: "ناقص عندنا لجنة فى اتحاد الكرة لازم نعملها وهى لجنة الأخلاق، عشان نقدر نحاسب أى حد، ايد اتحاد الكرة مغلولة، مثلا لو أى رئيس نادى تجاوز فى حق حد مش هنقدر نحاسبه خالص، لكن اللى بيحصل دلوقتى لو أى حد تجاوز بنبعت لوزارة الرياضة". 

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الأربعاء فى تمام العاشرة صباحًا.