El Radio 9090 FM
#
مرمر وهدايا الرحمة

مرمر وهدايا الرحمة

وقالت سناء: "فى يوم من أيام الشتا مرمر رجعت من المدرسة بتاعتها.. وماما لقت مرمر دخلت أوضتها وقعدت تنزل كل هدوم الشتا اللى عندها، وماما دخلت لمرمر وقالتلها أنت بتعملى إيه، ردت عليها وقالت إن عندها هدوم كتير والجو ساقعة وفيه ناس بتكون محتاجة للهدوم دى فقررت إنها تتبرع بيها للمحتاج".

وأضافت: "ماما قالتلها تعالى علشان ناكل مع بابا.. وهما قاعدين بياكلوا ماما حكت اللى مرمر عملته.. بابا قالها أنا مبسوط.. فمرر قالتله النهارده خدنا درس فى المدرسة عن الرحمة، وخدنا إننا نتبرع باللى يزيد عن الحاجة، وبابا قالها وأنا كمان بعد الأكل هشوف اللى هيزيد عندى".

وتابعت: "ماما قررت أنها تغسل الهدوم وتكويهم وتقدمهم بشكل كويس وتقدمهم للمحتاجين، وجابوا لوحة كبيرة وكتبوا عليها "هدايا الرحمة".. والناس كلها من ساعتها اتعودت إنها تحط كل اللى يزيد عن احتياجتهم، ومرمر بقت سعيدة إن بقى فيه حاجة اسمها هدايا الرحمة.. توتة توتة حلوة ولا ملتوتة".