عالصبحية: ليه الجواز فى مصر طلباته كتير عكس بره؟

وجاءت مشاركات المستمعين، فى معظمها، محملة التكاليف الباهظة للزواج فى مصر إلى العادات والتقاليد.

وقال المشتركون: "عادات وتقاليد، إحنا اتعودنا على كده للأسف، بسبب التقاليد وبسبب إن ده من وجه نظر الأب إنه كده بيأمن مستقبلها بس السبب الأكبر بيكون فى العادات والتقاليد، للأسف هيا بتبقى عادات متوارثة وإحنا بنطبق من غير تفكير، الجواز فى مصر بقى صعب علشان كده نسبه العنوسة زادت، علشان الأهل عايزين يشوفوا بنتهم مرتاحة ومتوفر ليها كل حاجة وأهل الولد بردوا عايزين يشوفوا بيتهم متكامل من كل حاجة، عشان عاداتنا وتقاليدنا لازم مش عارف نجيب كام طقم من كل حاجة وفى حاجات كتير مستفزة وملهاش لازمة".

وأضاف آخرون: "لأن مازال تفكيرنا عقيم عكس برا وهل هذا منع فكرة الطلاق؟ لا طبعا، بره مفيش عزومات تستعمل فيها 4 ولا 5 أطقم أكل وشرب عشان كده مفيش نيش ولا حاجات من دى، الموضوع بقى تفاخر مش أكتر وفاكرين إنهم بكده بيعملوا لبنتهم قيمة، جهل جهل جهل جهل، الجواز مبقاش عقد قران ده بقى منافسة بين البنت وبنت خالتها".