فايق: «كتر خير الدنيا أننا عدينا الدور الأول»

وأوضح فايق، فى برنامجه "ملعب 9090"، على الراديو 9090: "حالة من الحزن وليس الغضب تجتاح الشارع المصرى بعد خسارة المنتخب أمام الكاميرون فى الجابون فى نهائى إفريقيا 2017".

وتابع: "جمال كرة القدم هى أن كل الناس على اختلاف انتمائها أنهم عاوزين الفراعنة يكسبوا، رغم أنهم مش عارفين بشكل كبير تفاصيل المنتخب".

وواصل: "ارفع راسك فوق انت مصرى، المنتخب عمل إنجاز كبير فى الجابون، منتخب مصر قعد 7 سنين مرحش إفريقيا، وكل الى احنا طالبينه أننا نصعد من الدور الأول، وده كان أقصى طموح لينا، وبالفعل عدينا الدور الأول بشكل مشرف".

واستطرد: "البطولة دى صنعت جيل جديد عنده كفاءة وملتزم تكتيكيا، منتخبنا عنده شخصية وكاريزما، وده هيساهم فى شكل كبير الفترة الجاية، جيل قادم هيقدر يصنع الفارق، وكتير خير الدنيا أن المنتخب عدى الدور الأول، لأننا أقل فنيا من جميع المنتخبات اللى قابلناها فى الجابون".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الأربعاء فى تمام العاشرة صباحًا.