وقالت منصور: "كان ياما كان فى كلب طيب وجميل اسمه كلبوب، أهم حاجة كانت فى كلبوب إنه كان زكى جدا.. كان بيحب يلعب مع أصحابه ويتشاقى ويرجع للبيت".

وتابعت "رغم ان مامته حذرته انه ميتأخرش، فى يوم خرج كلبوب زى ما هو متعود، فضل يلعب لحد ما تاه من أصحابه فى الغابة، وقعد ينادى ويدور عليهم وهو مش عارف يروح البيت، وجيه عليه الليل وتعب وجاع فقرر ينام وصحى الصبح وقعد يدور على أى حاجة ياكلها".

وأضافت "كلبوب لقى هيكل عظمى كبير لأسد فقرر يأكل من الهيكل، وكان فى أسد معدى وكان جعان وبيدور على أى حاجة ياكلها، راح سم كلبوب وهو بيقول إن طعم الأسد حلو وانه هيقول لمامته تجيبله أسد يفطر بيه، راح الأسد خاف منه وهرب".

وقالت "كان فى قرد شاف اللى حصل، راح سأل كلبوب وقاله انت بتاكل اسد؟ قاله أه، فراح سأله انت اصدته إزاى؟ قاله أنا كنت جعان ولقيته.. راح القرد يبلغ الأسد التانى بإن اللى سمعه غلط".

وأضافت "الأسد أول ما سمع من القرد قرر إنه يروح ياكل كلبوب، فشاف كلبوب القرد والأسد جايين ففهم إن القرد قاله، فقال بصوت عالى مسكين الأسد سمع كلام القرد اللى هاكله كمان شوية بعد ماكل الأسد الجميل اللى جاى زى صاحبه".

"الأسد والقرد خافوا من كلبوب وراحوا يجروا، فسمع صوت مامته بتنادى عليه فجرى عليها وقالها أنا هنا.. واعتذر لمامته وفضل يضحك طول السكة على الأسد والقرد".