El Radio 9090 FM
#
حدوتة ملتوتة: «فادى وأصحابه»

حدوتة ملتوتة: «فادى وأصحابه»

وقالت ماما سناء، "كان يا ما كان كان فيه ولد اسمه فادى كان عنده عيب خطير جدا كان بيحب يوقع بين أصحابه، وكان كل ما  يشوف أصحابه بيتخانقوا بيضحك أوى، وبابا كان دايما يقوله كده غلط أصحابك مش هيكلموك تانى وهيزعلوا.. فيرد فادى ويقوله يا بابا هما اللى مش أذكيا عشان كده بيصدقونى دايما".

وتابعت: "فى يوم فادى شاف أسامة وقاله: يا أسامة تعالى لما أقولك أنا سمعت هيثم بيقول عليك إنك مش ذكى ومش بتفهم حاجة وأنه أشطر منك.. وأسامة سأله: هو ليه كان بيقول عليا كده؟.. رد فادى: عشان كنا بنجيب سيرتك مع أصحابنا وبنقول إنك شاطر فهو اتضايق وقال عليك كده. فأسامة ساب فادى ومشى".

وأضافت: "فادى شاف هيثم فجرى عليه وقاله: يا هيثم تعالى أقولك وخده على جنب وقاله، أنا سمعت إن أسامة بيقول عليك إنك مش ذكى ومش بتفهم حاجة وأنه أشطر منك وهو جاى دلوقتى عشان يضربك ويثبت أنه أقوى منك قدام أصاحبنا كلهم.. فهيثم سأله: هو ليه كان بيقول عليا كده؟.. رد فادى: عشان كنا بنجيب سيرتك مع أصحابنا وبنقول إنك شاطر فهو اتضايق وقال عليك كده.. وفجأة هجم أسامة على هيثم والاتنين فضلوا يضربوا فى بعض، وفادى قعد يضحك علينا.. وفجأة الاتنين لقوه بيضحك عليهم.. فقالوا: إيه ده ده بيضحك علينا.. فرد فادى: ضحكت عليكم".

وأكدت: "هيثم وأسامة قالوا لأصحابهم مايتكلموش مع أصحابهم عشان بيوقع بينهم.. وفادى كل ما كان يروح لحد مايرضاش يلعب معاه ولا يكلمه.. فراح فادى للمدرسة وقالتله: ده تصرف غلط ومينفعش تعمل كده تانى، فخدته ولفت بيه على الفضول عشان يعتذر ليهم.. وقال: أنا آسف ومش هعمل كده تانى، وجه دور فصله وهو داخل صحابه كلهم خرجوا والمدرسة ندهت عليهم قالت: استنوا رايحين فين أنا عايز أسلم عليكم إحنا خارجين ومش هنكلم فادى تانى.. فرجعوا وباس فادى على راس صحابه واعتذر ليهم، وقال: أنا آسف مش هعمل كده تانى.. فقالوا: أنت خليتنا نضرب بعض وكنا هنتعور.. ووعدهم فادى أنه مش هيعمل تانى كده أبدا.. وبعد وقت فادى بقى شاطر وصحابه حبوه".