فايق: هذا ما اقترفته إدارة الزمالك

انتقد الإعلامى إبراهيم فايق، لاعبى نادى الزمالك، بعد خروج الأبيض من دورى أبطال إفريقيا، والتعادل أمام أهلى طرابلس 2-2، فى برج العرب.

وأوضح فايق، فى برنامجه "ملعب 9090"، على الراديو 9090: "اللى معهوش ميلزموش، وده حال نادى الزمالك امبارح، كانوا نازلين الماتش يتفسحوا، زيهم زى الجمهور، رغم الأحداث اللى حصلت امبارح فى المباراة، من تكسير وشغب".

 وتابع: "إزاى الزمالك مش عارف يكسب، رعونة بطء كسل وقول زى ما انت عايز تقول، سيناريو المباراة غريب، هذا ما اقترفته إدارة الزمالك، دى كورة مكسب وخسارة، مينفعش نسكت على الغلط، الناس خايفة تتكلم فى الكورة كمان، مع أن سقف الحرية والانتقادات مفتوح حتى فى السياسة، خايفين من إيه".

 واستطرد: "الزمالك خسر لأن لعيبة الأبيض فاقدة للروح، وجمهور مكلوم محروق الدم بيشجع فرقته، اكتشف فجأة أن فرقته مش عايزة تكسب، لكن ده مش مبرر للى حصل".

 برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الثلاثاء، فى تمام العاشرة صباحًا.