عالصبحية| أول شغل اشتغلته كان إيه وأول مرتب خدته كان كام؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الثلاثاء، للحديث عن تجربة أول عمل، وأول راتب حصلت عليه.

وجاءت مشاركات المستمعين، كالتالى:

- لسه مشتغلتش خارجين من ثانوى عام ومستنين الفرج.

- أول شغل كان فى الشركة اللى أنا فيها حاليا من 10 سنين كنت أمين مخزن والحمد لله بقيت مشرف مخازن بقالى سنتين وأول مرتب على ما افتكر كان 375 جنيه دلوقتى بقى ما أقولكيش.

- كان فى صيدلية والمرتب كان 400 حاليا محاسب فى شركة استيراد وتصدير.

- مساعد نجار 20 جنيه فى الأسبوع وكنت حاسس إنى حققت أحلامى.

- أول شغل كاشير كنت باخد 300 جنيه من حوالى 13 سنة.

- كان فى كافيه مستشفى خاص وكنت باخد 500 جنيه.

- مهندس على طول وبالنسبة للمرتب كان 1200 من سنة 2003.

- كانت جزار وكنت باخد جنيه فى اليوم والله وكنت مبسوط خالص.

- على الونش وأنا فى 3 إعدادى اليوم كان بـ40 جنيه وبقيت دلوقت فى 3 كلية وشغال نقاش.

- 15 جنيه وكنت شغل كهرباء سيارات وكنت بصرفهم كلهم.

- كنت فى رابعة ابتدائى وكنت شغال على عربية فول اليوميه كانت 5 جنيه بس كان فيها بركة.

- كنت فى مزرعة موز وبحمل العربية موز بسبعة جنيه ونصف وهى نقلة واحدة فى اليوم.

- قولت لماما عايزة اشتغل شتمتنى.