عالصبحية| إيه الحاجات اللى كنا بنستخدمها ومرة واحدة بقت أنتيكة؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الإثنين، للحديث عن  الأشياء التى كنا نستخدمها وأصبحت من الماضى "أنتيكة".

وجاءت مشاركات المستمعين، كالتالى: "من الحاجات اللى بتبقى أنتيكة بسرعة هى الهدوم بمعنى لو الواحد عنده تيشيرت أو بنطلون بقاله سنة أو أكتر ويجى حد يشوفه عليك تلاقيه بيقولك إيه اللى إنت لابسه ده الحاجات دى قدمت، الآلة اللى بتكتب والدفاية اللى ليها مدخنة وبتتولع بالخشب والشمعدان، العادات والتقاليد بتاعتنا نفسهم تكلم حد أصغر منك يقولك يا عم ده كان على أيامكم إحنا ملناش فى الحاجات القديمة دى، الآتارى وبنك الحظ والكوتشينة والسلم والتعبان والراديو والتليفون أبوقرص وأنواع الموبايلات القديمة، الإجابة الحب والإخلاص والوفاء، أنا لسه عندى شنطة البيلى مش هاين عليا أرميها داخله فى 25 سنة، الكتب بقت موضة قديمة الناس بتشوفها مش شكلها حلو، حياتنا نفسها بقت أنتيكة لكن فعلا اللى أنا حاسس إنه خلاص أنتيكة الآتارى والتليفون وأبوقرص، كان عندى عجلة زمان دلوقتى بقت أنتيكة".