عالصبحية| إنت من هواة جمع إيه؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الثلاثاء، للحديث عن هواية جمع الأشياء، مثل العملات على سبيل المثال.

وجاءت مشاركات المستمعين، كالتالى: "أنا بحب أجمع البلى، طوابع البوسطة والزراير وممكن عملات قديمة لما بلاقيها، أشهر الأشياء اللى بجمعها تذاكر المترو والكانزات لزوم التفانين، أنا من هواة جمع الإلكترونيات، أنا بالنسبة ليا كنت من هواة جمع الكتب وقرايتها، من هواة جمع الكتب القديمة بحس إنها فيها رائحة من التاريخ، كنت زمان بحب جمع الطوابع لكن دلوقتى بحب جمع العملات لكل الدول، الساعات النادرة بتاعة زمان، أنا من هواة جمع المحبة والسلام والقلوب الطيبة ده طبعا كلام أفلام لا أنا من هواة جمع المال أنا بحب الفلوس، الاستيكيرز، بحب أوى أجمع الورق الأبيض وبحب كمان الفلوس القديمة، بحب أجمع العلب والبرطمانات والأكسسوارات، أنا أحب أجمع الحاجات الدينية القديمة زى السبح والكتب الدينية القديمة والأطباق اللى مكتوب عليها آيات قرآنيه مثلا".