عالصبحية | إيه الحاجة اللى بتعملها عشان توفر؟
خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الأحد، للحديث عن الطرق التى نستخدمها للتوفير.
وجاءت مشاركات المستمعين، كالتالى: "مش عارف أعمل أى حاجة أنا أكتر واحد فى العالم مسرف، نفسى والله العظيم أوفر إن شالله ألف جنيه مرة واحدة لكن للأسف أنا مسرف فوق الوصف، بركب عربية الشغل عشان البنزين والضغط المرورى وكمان عشان معنديش عربية وكل يوم بلف أطفى نور الشقه اللى مش محتاجينه، مبتغداش فى الشغل وبستنى لما أروح عشان اتغدا، المفرووض كل واحد يمشى على قده ولا تفتحتها أوى ولا تلمها أوى خير الأمور الوسط، مش بشغل الماء على الفاضى من غير أى حاجة، أنا التوفير ده معرفش ليه سكة، التوفير كويس بس ياترى نوفر منين المرتب مثلا ولو المرتب كويس نوفر منه إزاى فى الأيام اللى إحنا فيها ده إحنا عايشين بستر ربنا، ببطل السجاير، بحط معلقة سكر بدل 3 فى الشاى، أنا بطلت أكلمك أو أعمل كومنت على 9090 عشان أوفر، أنا مش بوفر أنا مفلس عشان فى إجازة".
