El Radio 9090 FM
#
صورة| رنا سماحة: «كل يوم بدعى ربنا يبعد عنى المرض ده»

صورة| رنا سماحة: «كل يوم بدعى ربنا يبعد عنى المرض ده»

قبل ساعات من استقبال العام الجديد كتبت الفنانة رنا سماحة، نجمة برنامج "ستار أكاديمى"، ونجمة برنامج "غنى وبس"، والذى يذاع على راديو9090 مع مينا عطا، تدوينة لها على صفحتها الرسمية بموقع التواصل الاجتماعى فيسبوك.

وأوضحت سماحة من خلال تدوينتها: "بمناسبة السنة الجديدة، حابه أقول إن من أكثر المقولات اللى مؤمنة بيها فى حياتى هى قول الرسول، عليه الصلاة والسلام، من تواضع لله رفعه".

وأضافت سماحة: "إحنا كبشر لما ربنا بيكرمنا شوية، غصب عننا ممكن يصيبنا الغرور، فى اللى بيستسلم له، وفى اللى بيجاهد وبيتعب عشان يحافظ على تواضعه، وفى الحالتين غصب عنك بيبان عليك طول الوقت".

وتابعت سماحة: "من أكتر الحاجات اللى بتشغلنى أن يجى يوم ويصيبنى المرض ده، عشان كده كل يوم بدعى ربنا يبعدنى عن الغرور والكبر، وعشان أحافظ على ده دايما بفتكر أن كلنا اتولدنا بعد 9 شهور وكلنا اتخلقنا من طين وكلنا نهايتنا واحدة، وإن ربنا مابيكرمش حد عشان يتغر على الناس ووقتها بشوف قدام عينى الآية الكريمة، وَلَا تُصَعِّرْ خَدَّكَ لِلنَّاسِ وَلَا تَمْشِ فِى الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُورٍ".

واستكملت سماحة تدوينتها: "بتمنى فى السنة الجديدة تدعولى أن ربنا يثبتنى على ده، وخليك دايما فاكر أن اللى بيكرم هو ربنا وقادر فى ثانية ياخد منك الحاجه اللى بسببها بتتغر وتجرح اللى حواليك"

واختتمت سماحة تدوينتها: "أنا مش واعظة ولا ملاك كلنا فينا عيوب لأننا فى الآخر بشر".