«عاوزين مطب كيوت»
الأسطورة بتقول إن أول مطب اتعمل كان علشان الإعلانات، بمعنى إنك تهدى وتطلع على المطب براحة علشان تشوف الإعلان، لكن أنا مش بصدق الكلام ده.
المطب فى البلاد الأخرى "كيوت" ورقيق ومتحسش به، أما فى مصر تحس فيه بالشموخ والـ"فشخرة"، بيقولك أنا هنا، وبيحب يعملك مفاجآت، تحس أنه نموذج لأعداء النجاح والغدر.
المطب فى مصر خلق حالة من العشرة، أول ما توصل بعد سفر طويل بيسلم عليك ويرحب بيك بعد مطار القاهرة، ويقولك أنا بتطمن عليك.
إحنا عايزين مطب إنسانى مش مطب يبوظ العربية.
