تعرف على المدير الفنى المثقف

أشاد صالح موسى، مدافع مصر المقاصة، بمديره الفنى، إيهاب جلال، موضحا أنه يمتلك العديد من المواهب التى تؤهله لأن يكون من أفضل المدربين فى مصر.

وأضاف موسى، للإعلامى إبراهيم فايق، ببرنامجه "ملعب 9090"، على الراديو 9090: "الكابتن إيهاب مختلف عن المدربين فى الدورى، فى أسلوبه وعقيلته وفكره، وبيعرف يتعامل مع اللاعبين، وبيعرف يحط تكتيك لكل ماتش، وإحنا الفرقة الوحيدة اللى بيلعب فيها أغلب اللاعبين، لأنه مش بيعتمد على 11 لاعب بس".

وأضاف: "مدير فنى مثقف، بيسافر بره عشان يحصل على دورات تدريبية، والفرق بينه وبين الأجانب كبير، الخواجة معاه مساعدين كتير، وكل واحد ليه شغله، سواء على المستوى البدنى فله مدرب، والحراس ليه مدرب، والأحمال ليه مدرب، والتكتيك ليه مدرب، وهو قاعد بره الملعب، لكن الكابتن إيهاب بيعمل كل حاجة، بيشتغل على نفسه باستمرار".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة.