أول تعليق لجهاد جريشة بعد فضيحة لجنة الحكام

طالب جهاد جريشة، الحكم الدولى، اليوم الأربعاء، بالتحقيق فى المكالمة الهاتفية المسربة من اتحاد الكرة، والتى تم الزج باسمه خلالها، بين ثروت سويلم، المدير التنفيذى للاتحاد، ووجيه أحمد، رئيس لجنة الحكام، موضحا أنه سيسلك الطرق القانونية للحصول على حقه.

وأضاف جريشة، للإعلامى إبراهيم فايق، ببرنامجه "ملعب 9090"، على الراديو 9090: "مش مبسوط من الكلام اللى اتقال عليا، وحزنت جدا لما سمعت المكالمة، وكل اللى هعمله إنى هعمل مذكرة لاتحاد الكرة عشان تحقق فى الموضوع، لأن المكالمة أساءت لسمعتى".

وتابع: "هبعت مذكرة كمان لوزير الرياضة عشان يجيب حقى، أنا حكم دولى وإفريقى معروف، ولو مجاش حقى هعرف أخده بالقانون، عاوزهم يطلعوا يقولوا أن جهاد جريشة مش محسوب على أى حد سواء أهلى أو زمالك".

وتابع: "حكام مصر شرفاء، وبعدين عن أى شبهة، ونضاف وهنفضل نضاف، إحنا ناس محترمين، الكلام ده لازم يتحطله نهاية، على الأقل ناخد حقنا الأدبى".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع 4 مرات أسبوعيًا، من الأحد إلى الأربعاء فى تمام العاشرة صباحًا، ولمدة ساعة.